Ishyaka RDI-RWANDA RWIZA ryifurije umunsi mwiza abanyarwandakazi aho bari hose.

Ifoto yerekana uko inzego zishinzwe umutekano ziri guhohotera abategarugori i Kigali ngo ni abazunguzayi!

Rwanda : Banyarwandakazi, twizihize dute "Umunsi mpuzamahanga w’abagore 2017?"
Nkuko bimaze kuba akamenyero, buri tariki ya 08 Werurwe isi yose yizihiza umunsi mpuzamahanga w’abari n’abategarugori. Buri mwaka kandi umuryango mpuzamahanga w’abibumbye ushyiraho intego rusange igomba kuzirikanwa. Agashya muri uyu mwaka wa 2017 ni uko noneho hashyizweho intego izazirikanwa mu gihe cy’imyaka 3 : ni ukuvuga 2017, 2018 na 2019. Iyo ntego muri rurimi rw’igifaransa ni “les femmes dans un monde de travail en évolution: pour un monde 50-50”. Tugenekereje mu rurimi rw’ikinyarwanda, byasemurwa gutya: imyitwarire y’abagore mu ruhando rw’imirimo ijyana n’ibihe uko bigenda bisimburana: mu rwego rw’akazi, hakwiye uburinganire butaziguye hagati y’abagore n’abagabo.


Kuri iyi tariki ya 08 Werurwe 2017 rero, mw’izina ry’ishyaka RDI-Rwanda Rwiza, nifuje guterura ngo ngire icyo mbwira Abanyarwanda, cyane cyane Abari n’abategarugori nyine, mpereye ku ijambo Perezida wa Repubulika, General Paul Kagame, aherutse kuvugira mu mwiherero wa 2017. Nyuma y’uko uwahoze ari Minisitiri w’Intebe, Bwana Habumuremyi Pierre Damien, atangarije ko abakozi bose mu Rwanda barangwa no gukora nabi, uretse Perezida Paul Kagame wenyine; muri uyu mwiherero, Perezida Kagame yeruriye abayobozi bose, ababwira ko azi neza ko mu mikorere yabo bamubeshya kandi bakanabeshya n’amahanga !

Ubu isi yose izi ko u Rwanda ari igihugu ntanga-rugero mu bintu byinshi,ariko cyane mu kugira umubare munini w’abari n’abategarugori mu nzego zifata ibyemezo no mu buyobozi busanzwe. Nyamara ababikurikiranira hafi, bemeza ko abo banyarwandakazi bashyirwa mu myanya hadashingiwe ku bushobozi bafite, ko ahubwo « icyama cya RPF » cyitoranyiriza abari n’abategarugori ba Ndiyo Bwana » naba « Mpemuke ndamuke », bazajya bikiriza «ndiyo bwana». Niyo mpamvu tutatunguwe na gato n’iriya mvugo ya Perezida Kagame wanenze bikomeye imikorere y’abayobozi kandi aba ariwe wabishyiriyeho ubwe, akenshi akabashyiraho nta no kugisha inama inzego zibishinzwe !

Kuva kera umubyeyi yarangwaga no guca ukubiri n’ikinyoma. Abagore, nibo benshi mu bayobozi, iyo baza kugira ukuri mu kazi bashinzwe, ntabwo perezida wa repubulika yari kubona ko mu mikorere y’igihugu harimo kubeshya abanyarwanda no kubeshya abanyamahanga. Mu nyandiko zabanjirije iyi, nagiye ngerageza kenshi kugira inama Abari n’Abategarugori, mbereka ko ubwinshi bwabo bwagombye kuba umusemburo wo gukemura ibibazo bikunze kugaragara mu miyoborere y’igihugu cyacu. Hari naho kandi twagiye tuburira abari n’abategarugori incuro nyinshi ko ibibi bikorerwa abanyarwanda bazabiryozwa, niba ntacyo bakoze.

None dore imyaka igiye kuba 24, Abari n’Abategarugori bakorera mu kinyoma, bagakoma amashyi gusa nta n’impamvu yo kuyakoma, uretse gutinya kunyagwa umugati. Ngo agapfa kaburiwe ni impongo : Bayobozikazi, mumenye ko amateka azabaryoza amahano yagiye akorwa mu gihugu mwinumiye, dore ko n’igihe kizagera FPR-Kagame ikabigarika, ikagereka amabi yose kuri benshi muri mwe, mutagifite kirengera ! Rubanda itarahwemye kubasaba kwamagana amarorerwa y’iyi ngoma, izagera ubwo izabahinduka, yunge mu rya Prezida Kagame, maze ibabaze iti «ubwinshi bwanyu bwamariye iki igihugu? Kubakira ku kinyoma gusa ?»

Ntarirarenga

Abari n’Abategarugori bashinzwe kuvuganira Rubanda, ndongera uyu munsi mbibutse ko nta rirarenga. Muri iki gihe havugwa inzara ya “NZARAMBA” mu gihugu ; iyi nzara ikaba iri koreka abangavu mu busambanyi, ikaba iri gukura abana mu mashuri, n’ibindi. Turabasaba gutabariza abakene musaba Leta ya FPR gusaranganya ibihari, muyisabe ihagurukire gukumira ubwiyongere bw’iyi nzaramba, iriya mishinga yo kubaka imiturirwa muri Kigali ibe ihagaze. Abadamu bakwiye guhora bazirikana ko ubwinshi bwabo bukwiye gushingirwaho bagashyigikirwa ukuri. Birababaje wa mugani wa perezida Kagame, kubona ubwinshi bwanyu mubwitwaza mu kwimakaza ibinyoma!



Nta rirarenga, badamu nimuhaguruke muzibire intambara iri kongera gushozwa mu burasirazuba bwa Congo, musabe Leta kureka gukomeza gushora urubyiruko rw’ u Rwanda mu ntambara ya M23, bityo mwazabonekamo intwari. Nimubaduke mwamagane irigiswa ry’abantu ryongeye kwaduka mu gihugu. Kuba muri benshi mu buyobozi byari byiza ariko mukwiye kwiminjiramo agafu ijwi ryanyu rikagira umumaro, bityo mukikuraho igisebo cy’uko ubwinshi bwanyu aribwo buri koreka u Rwanda, maze umuco wa FPR wo gukorera ku kinyoma, umuco ubu wari umaze kumenyekana ku isi hose, Perezida Kagame azareke kuwubagereka ku mugongo.


Bari na mwe Bategarugori, cyane cyane abajijukiwe n’imiyoborere y’igihugu, mufite inshingano ikomeye yo kurwanya akarengane gakomeje gushavuza no guhekura ababyeyi batari bake. Mukwiye gutinyuka, cyane cyane mwebwe mukiri urubyiruko, kuko ari mwe Rwanda rw’ejo. Nimugire ubutwari nk’ubwa Diane Rwigara, uherutse guhamagarira Abanyarwanda kwatura, bakamagana ibitagenda mu gihugu, basaba ko ibintu bihinduka. Mujye muzirikana kandi ko mu mateka y’Urwa Gasabo, harimo n’abagore b’intwari, nka Ndabaga mwene Nyamutezi wo mu Bwishaza, wacunguye se ku mirimo y’ubuhake bw’i Bwami, akarusha ibigwi abagabo, kugeza aho asiga umugani ngo « ibintu bigeze iwa Ndabaga », bishatse kuvuga ko ibihe bidasanzwe, ko ibintu byadogereye, nko kubona abagore batabara, byari bimenyerewe ko urugamba ari urw’abagabo gusa.

Umwanzuro

Ikibazo cy’imiyoborere y’u Rwanda biragaragara ko kidashobora gukemuka hatabayemo uruhare rugaragara rw’Abari n’Abategarugori. Vision ya LONI iri guteganya uburinganire bwa 50 – 50 kugera mu mwaka wa 2030, mu Rwanda ho twari dukwiye kwishimira ko iriya vision yari yaragezweho hamwe na hamwe, kuko mu nzego nyinshi umubare w’ abagore utambutse kure uw’ abagabo. Uku kutagaragaza umusaruro nyawo rero mu byukuri ahanini bituruka k’ukuba FPR ishaka gukomeza kuyobora igihugu yonyine, ku buryo n’abandi baza baturutse mu yandi mashyaka, FPR ihita ibashyiraho iterabwoba maze bagahita bayijya mu kwaha. Kuba Umukuru w’ igihugu atangiye kuvugira ku mugaragaro ko mu nzego zose bakoresha ikinyoma gusa, iki ni ikimenyetso simusiga ko hakenewe Leta ihuriweho n’ amashyaka menshi, harimo n’atavuga rumwe na FPR.

Kugira ngo iyi ntego izagerweho, turasaba umuryango mpuzamahanga kudufasha kotsa igitutu Leta ya FPR ikemera politiki y’ amashyaka menshi, ikemera gukorera muri demokarasi, maze abadamu baturutse hanze ya FPR bakaza gufasha bagenzi babo kugerageza gukorera mu kuri, bityo umubyeyi nyarwanda akongera akagirirwa ikizere. Ni ngombwa rero ko ibintu bihinduka, ingoma ngome ya FPR-Kagame igasezererwa, mu buryo bwose bushoboka. Bari namwe Bategarugori, iyo mpinduka irihutirwa muri uyu mwaka w’2017, dore ko niba Abenegihugu badahagurutse ngo baharanire uburenganzira bwabo, Kagame n’agatsiko ke bazongera kwiba ubutegetsi bwa rubanda, binyuze mu matora afifitse nk’uko amenyerewe mu Rwanda.

Nimucyo duhagurukane n’abagabo bacu na basaza bacu, maze twereke ingoma y’igitugu ko tuyirambiwe, tuyigamburuze mu buryo bwose, maze impinduka itegerejwe na benshi, izasesekare mu Rwatubyaye mbere y’impera z’uyu mwaka. Nta gushidikanya ko impinduka nk’iyo yatuma u Rwanda rwongera kuba u Rwanda, Abanyarwanda bakongera kubana mu bwumvikane, bagatunga, bagatunganirwa.


Marie MUKAMWIZA

Commissaire wa RDI Rwanda Rwiza
Ushinzwe Imibereho myiza n’ Iterambere

Continue Reading..

Rwanda: Umwaka mushya muhire w’2017

Ishyaka RDI-Rwanda Rwiza ririfuriza Abanyarwanda umwaka mushya muhire w’2017.

Banyarwanda, Banyarwandakazi,

Byabaye umuco ku isi yose ko kuwa 31 Ukuboza, ari itariki yo gusezera k'umwaka urangiye no kwakira umwaka mushya. Umunsi mukuru wo gutangira umwaka mushya twita «Ubunani», Abanyarwanda twese turawubahiriza, tugasaba Imana ngo tuzawugiremo ishya n’ihirwe, n'ubuzima buzira umuze. Uko tubisaba Uwiteka ni nako tubyifuriza abavandimwe n’inshuti, ndetse tutibagiwe n’abandi, cyane cyane abatishoboye n’abari mu ngorane zinyuranye.

Bityo rero mw’izina ry’Ishyaka RDI nkaba nifurije umwaka mwiza Abanyarwanda bose, ari abari mu gihugu cyangwa abari mu ngendo ku mpamvu zinyuranye, ari n'abahejejwe ishyanga n’Ubutegetsi bw’igitugu bwa FPR-Kagame : uyu mwaka, uzababere umwaka w'amahoro n'ituze, umwaka wo gukundana nk'Abanyarwanda, umwaka wo kugera ku nshingano zose zabateza imbere. Uzababere kandi umwaka wo kumvikana mu ngo zanyu, mu miryango mukomokamo, no ku misozi, imirenge, insisiro, n'imigi mutuyemo. Bityo, muri uyu mwaka w’2017, muziyemeze gushimangira « umubano mu bantu », mugera ikirenge mu cy’abasokuruza bacu.

Mu rwego rw’igihugu, umwaka w’2016 usize ibikorwa by'ingirakamaro byagombye kongerera u Rwanda ishema mu ruhando rw’amahanga, nubwo bwose isura yarwo ikomeje kwanduzwa n’ubutegetsi bubi bwa FPR-Kagame. Muri ibyo bikorwa mboneragihugu, twavuga ibi bikurikira:

1.       Inyubako yiswe «Kigali Convention Center» (KCC), n’ubwo idahiga ubwiza « Kenyatta Conference Center » y’i Nayirobi ; ariko ku gihugu gikennye nk'icyacu, ni igitego mu bihugu bitatu byahoze biyoborwa n'abakoloni b'Ababiligi (Burundi, RD Congo, Rwanda).

2.       Indege ebyiri za AIRBUS 330-320 na 330-300 zizaba indorerwamo y'u Rwanda mu bihugu zizajya zitwarira abagenzi.

3.       Hafashwe icyemezo cyo kuzubaka « ikibuga mpuzamahanga cy’indege » (AEROPORT INTERNATIONAL) mu Bugesera, hakaba hari hashize imyaka 50 irenga iki kibuga gishakwa n’Abanyarwanda ndetse n'Abanyamahanga, bamwe bakaba barifuzaga ko cyubakwa igitaraganya, ku mpamvu zitarasobanuka.

Bigomba kumvikana ko ibyo bikorwa atari iby’abantu ku giti cyabo, ko ari iby'igihugu, dore ko n’amadeni yasabwe na Leta azabyubaka azishyurwa ku ngengo y’imali y’igihugu, iturutse ahanini ku misoro n’imisanzu y’abenegihugu. Ibyo bikorwa kandi biramutse bigurishijwe, amafaranga byinjije agomba kujya mu isanduku y'igihugu. Ibikorwa nk'ibi ni ibyo gushyigikirwa kukobitandukanye n'ibyiswe imiturirwa isigaye isa n'umurato mu mujyi wa Kigali. Ibikorwa by'amajyambere mu Rwanda byaba imihanda, ibitaro bya Leta, n'izindi nyubako z’ingirakamaro bigomba gushyigikirwa, mu gihe bifitiye akamaro Abataturarwanda muri rusange.

Tugomba kumenya kandi gutandukanya amajyambere ashingiye ku nyungu za rubanda n’amajyambere ashingiye ku nyungu z’agatsiko kaba gahisha ubukire gafite kabonye ku buryo budasobanutse (blanchiment d’argent) bushingiye k’ubwambuzi, ubusahuzi bw'umutungo w'igihugu, cyangwa iminyago yo mu ntambara. Bene ayo majyambere adasangiwe na benshi ashimisha beneyo gusa n'abo bafatanije, bagahatira urubyiruko gucengenzwamo amateka y'amatobano, yuzuye ikinyoma, ubwirasi no kwishongora kw'abantu bake bigize indobanure mu Banyarwanda, bagamije kwikungahaza nta soni.

Ni ngombwa kandi gutsindagira ko bene ayo majyambere y'umuvuduko udasanzwe, agaragara ko yikubiwe na bamwe mu banyarwanda, ahishe byinshi bifitanye inkomoko no gushaka kwibagiza no gutwikira amahano bafitemo uruhare rukomeye nko mu mubijyanye n'ubwicanyi bwakorewe Abanyarwanda muri rusange, ariko cyane abitwaga abahutu (ubu bitwa ukundi). Ibyo ari byo byose nta majyambere azahanagura cyangwa ngo yibagize amateka y'ibyabaye mu Rwanda hose, aho imirambo yatawe mu migezi, indi igatwikirwa mu mashyamba. By'umwihariko,amahano yakorewe i Kibeho muri Mata 1995 no mu mashyamba ya Kongo kuva mu kwezi k’Ugushyingo 1996 kugeza mu kwezi kwa Gicurasi 1997, bigahitana abantu bageze kuri miliyoni ebyiri, bigomba kwibukwa buri mwaka kugeza ku munsi w'imperuka.

Umwaka w’2017 dutangiye, nta cyiza tuwutezeho mu rwego rwa politike, ku ruhande rwa FPR-Kagame. Kimwe n'iyawubanjirije, nawo uzaba uwo kurata « iterambere ryazanywe na Kagame », no kwerekana ko abagore ari bo basigaye barabaye benshi mu nzego z'ubuyobozi bw'igihugu cy’u Rwanda, kurusha ibindi bihugu byo ku isi. Uko bigaragara, politiki y'ubuhendabana izakomeza. Abanyarwanda nabo bazakomeza bayoborwe butama, bamenyere kuba ingaruzwamuheto zarwaye ipfunwe. Abanyarwanda bamwe ba mpemukendamuke bazakomeza kurega ababyeyi babo ibyaha batakoze. Abandi bakomeze bisakume bavuga ko ba nyirarume cyangwa ba se bateguye jenoside yakorewe abatutsi. Naho ab’inkwakuzi bigire abahanga n'abasizi mu bitutsi byo kugayisha no gusebya abatavuga rumwe n’ubuyobozi bwa Perezida Kagame, abo basingiza Kagame bakomeze kumufata nk’aho ariwe ugena ubuzima bw’Abanyarwanda n’imiyoborere yabo.

Hazaba kandi igikorwa kaminuza twakwita agahebuzo k’ikinyoma cyahimbwe n’abacurabwenge b’ingoma, kigambiriye kugaragaza ko Abanyarwanda bakunda Perezida Kagame. Hazakomeza kumvikana ubutumwa bw’urukozasoni bw’uko Abanyarwanda bifuza ko Kagame yakomeza kubayobora, ndetse bikaba amahire agumye ku butegetsi kugeza avuyemo umwuka, akazasimburwa n'uwo yaba asigiye umurage. Perezida Kagame n'ingabo ze bazakora ikinamico mu Rwanda hose ku manywa y’ihangu, habe igisa n'amatora, nibigera ku Gicamunsi, batangaze ko Abanyarwanda barenga 90 % batoye Perezida Kagame ngo akomeze ababere umuyobozi,amahanga yongere yirengagize ko ayo majwi yaturutse ku gahato n’uburiganya bisanzwe biranga amatora afifitse ya FPR-Inkotanyi.

Ku ruhande rw’ishyaka RDI Rwanda Rwiza, muri uyu mwaka dutangiye, tuzihatira kubeshyuza ibinyoma bya FPR-Kagame, twereke Abanyarwanda n’amahanga ko u Rwanda atari Singapure cyangwa Amerika (USA), aho inkotanyi zikize zohereza abana bazo mu mashuli no kubayo. Tuzerekana kandi ko u Rwanda ari igihugu gikennye, bitewe n’uko hafi 80% y’abarutuye batagira umushahara, dore ko nta kazi kabahemba buri kwezi bafite. Abanyarwanda benshi nta masambu bakigira kuko n’uturima bacungiragaho leta ya Kagame yatubambuye, bamwe bakaba barishwe n’inzara, ababishoboye bagahungira mu gihugu cya Uganda. Abaturage benshi mu Rwanda ntabwo bakirya ngo bahage, abenshi bicwa n'inzara ndetse n’indwara zikomoka ku mirire mibi. Kuba mu gihugu umuturage atakigira uburenganzira ku isambu ye, byateye inzara yayogoje u Rwanda rwose, bitewe ahanini n’uko ibihingwa ngandurarugo bitagihabwa agaciro byari bifite mbere,hakaba n’ubwo biranduwe, ngo iyo byahinzwe bidakurikije gahunda za Leta !

Muri uyu mwaka w’2017, ishyaka RDI Rwanda Rwiza rizakomeza guharanira ko ibintu bihinduka mu Rwanda, hagamijwe ukwishyira ukizana kwa buri wese, ubutegetsi bushingiye kuri demokrasi, n’imibereho myiza y’abaturage ishingiye ku majyambere asangiwe n’imbaga nyamwinshi. Mu byihutirwa kurusha ibindi, twavuga ibi bikurikira :

1.       Kurwanya inzara yiswe "Nzaramba" yogogoje igihugu, igatuma Abanyarwanda batari bake basuhuka kubera amajyambera ya nyirarureshwa atabitayeho, ahubwo atuma bamburwa amasambu yabo, abasigaye mu gihugu nabo bakabuzwa uburyo, bakabura epfo na ruguru.

2.       Kwimakaza demokarasi mu Rwanda. Kurwanya ubutegetsi bw’igitugu ubwo ari bwo bwose, byabaye akarande mu mateka y’u Rwanda. Abanyarwanda b’impirimbanyi babaye imena barwanya ingoma ya cyami isimburwa na repubulika, abandi bahangana n’ubutegetsi bw’igitugu bwa Habyarimana n’ishyaka rye MRND. Uwo murage ugomba gukomeza, abiyemeje kurwanya ingoma ngome ya FPR-Kagame bagakomeza umurego, maze uyu mwaka dutangiye ukazaba uwo guca umusingi tuzubakiraho u Rwanda rwiza, rurangwa na Leta igendera ku mategeko kandi yubahiriza uburenganzira bw’ibanze mu ngeri zose, ari mu bya politiki n’imiyoborere y’igihugu, ari no mu rwego rw’ubukungu n’imibereho myiza. Kugira ngo iyo mpinduka igerweho bidatinze, Ishyaka RDI Rwanda Rwiza ryiteguye guhuza umugambi n’abandi banyarwanda bo mu yandi mashyaka, bumva ko hagomba gushakwa inzira zose zo kumvisha Prezida Paul Kagame kwemera yanze akunze ko demokarasi yubahirizwa mu gihgu cyacu.

3.       Gukemura ikibazo cy’ubuhunzi : mu mpera z’ukwezi kwa Werurwe k’uyu mwaka turangije, Ishyaka RDI ryagejeje ku Butegetsi bwa Paul Kagame, inyandiko isesengura ikibazo cy’Impunzi z’Abanyarwanda n’uburyo cyakemurwa, rinasaba Leta y’i Kigali guhagurukira icyo kibazo kugira ngo kitazateza indi ntambara nk’iyo Inkotanyi zashoje mu mwaka w’1990. Ikigaragara ni uko FPR-Kagame ititaye kuri icyo kibazo, bityo Prezida Kagame n’Ubutegetsi bwe bakaba ari bo bazaryozwa inkurikizi mbi zose zishobora kuzabyarwa n’icyo kibazo kimeze mu by’ukuri nk’ikirunga gitutumba. Mu bimenyetso by’ubukare bw’ikibazo cy’ubuhunzi biherutse kugaragara mu minsi ya vuba, twavuga nk’itanga ry’Umwami Kigeli Ndahindurwa watabarutse tariki ya 16 Ukwakira 2016 mu gihugu cya Leta zunze Ubumwe bw’Amerika nk’impunzi yahejejwe ishyanga, rigakurura amakimbirane yatumye na n’ubu umugogogo we utarashyingurwa.

4.       Kuvugisha ukuri ku byerekeye ibyiswe amoko mu Rwanda. Nta kindi kizaca ingirwamoko kandi kikazana amahoro mu Rwanda, uretse kubaka ubumwe nyabwo bw’Abanyarwanda no kwitorera abategetsi nta gahato. Bitabaye ibyo, u Rwanda ruzokamwa n’amacakubiri azakomeza kurukururamo umwiryane mu gihe Abanyarwanda bakomeje gucibwamo ibice, bashyirwa mu byiciro bimwe na bimwe, nk’ibi bikurikira :

1.       Abatutsi ngo baremewe kuzajya mw’ijuru n’abahutu ngo Mungu agomba kubabarira,

2.       Abahunze u Rwanda n’abarutuye,

3.       Abitwa ko bahagaritse jenoside n’abacikacumu ku ruhande rumwe n’abo ku rundi ruhande, Abashigajwe inyuma n'amateka n’abitwa ko atari bo, Abashigajwe inyuma n'amajyambere (y'Intsinzi y'Inkotanyi) n’abigwijeho ibya Mirenge, Andi « moko » menshi usanga mu by’ukuri atesha agaciro Abanyarwanda.

Mu gusoza iri jambo ry’Umwaka mushya, Ishyaka RDI ryifuje gutsindagira igitekerezo cy’uko Abanyarwanda dufite uburenganzira busesuye bwo kubaho mu mahoro no muri demokarasi mu gihugu cyacu, tutagombye kubisaba cyangwa kubihakirwa mu gihe turi Abenegihugu bujuje ibya ngombwa bigenga Ubunyarwanda. Nibyumvikane kandi ko Abanyarwanda badashobora kwemera ko uburenganzira bwabo butsikamirwa cyangwa bukaguranwa amajyamabere y’igikangisho n’inyungu z’agatsiko kikubiye ibyiza byose by’igihugu. Ishyaka RDI ryongeye kurarikira Abanyarwanda bose, cyane cyane urubyiruko, gushiruka ubwoba, bagaharanira uburenganzira bwabo mu buryo bwose, maze muri uyu mwaka dutangiye w’2017, bakazarwanya bivuye inyuma, uburiganya bwa FPR-Kagame bugamije kugarura ubutegetsi bwa cyami mu Rwanda.

Twongeye kubifuriza umwaka Mushya Muhire. Mugire amahoro.

Bikorewe i Buruseli

Umuyobozi w’ishyaka RDI-Rwanda Rwiza

Faustin Twagiramungu.

Continue Reading..

Rwanda : Le parti RDI-Rwanda Rwiza condamne des manœuvres du régime de FPR-Kagame contre toute opposition politique.

Le parti RDI-Rwanda Rwiza condamne le régime rwandais du FPR-Kagame pour ses entraves à la démocratie et à la liberté des opposants à mener toute action politique dans leur pays.

Le parti RDI-Rwanda Rwiza dénonce et condamne la fâcheuse décision du Gouvernement rwandais de refuser à la délégation du parti Ishema l’entrée au Rwanda qui était prévue le 23.11.2016. Alors que Monsieur l'abbé Thomas Nahimana, Secrétaire Général de ce parti, et ses trois compagnons dont la brave Mme Nadine Kasinge et son bébé âgé de 7 mois, étaient en transit à l’aéroport de Nairobi prêts à embarquer pour Kigali, ils se sont vu refuser l’accès à leur vol, au motif que les autorités rwandaises avaient donné à la Compagnie Kenya Airways l’ordre formel de ne pas laisser le sieur Nahimana et ses compagnos monter dans l’avion à destination de la capitale rwandaise.

Le refus d’entrée exprimé à leur égard par le pouvoir de Kigali est une entrave majeure à la liberté et à la démocratie. Il dénote, une fois de plus, la fébrilité du régime du FPR-Kagame qui craint la compétition politique, comme il l’a déjà démontré par le passé en jetant en prison Madame Ingabire Victoire lorsqu’elle est allée concourir à l’élection présidentielle de 2010; et en refusant au Président du parti RDI, le renouvellement de son passeport rwandais et le visa d'entrée au Rwanda dans son passeport belge en 2013, alors qu’il devait y aller pour faire enregistrer le parti et y exercer des activités politiques d’opposition.



Le parti RDI saisit la présente occasion pour réitérer sa grande admiration et ses hommages les plus déférents à Madame Ingabire, dont le courage et le combat politique exceptionnels continuent de faire trembler le dictateur rwandais et sa clique. Nous sommes également sensibles à la forte détermination de Madame Kasinge dont la famille fut décimée par le FPR en 1994 et qui, malgré ces lourds antécédents et son état de maman d’un petit ange de 7 mois, a pris le risque d’aller au Rwanda pour y faire de la politique dans des conditions dont nous savons tous la dureté. Le parti RDI tient à féliciter le parti Ishema et ses dirigeants pour l’acte courageux qu’ils ont posé en tentant de se rendre au Rwanda en vue d’y participer aux prochaines élections nationales, dont la présidentielle de 2017.

Nous voudrions enfin lancer un appel pressant à la vingtaine de partis politiques d’opposition opérant en dehors du Rwanda, afin qu’ils engagent, sans plus tarder, une concertation visant à définir les modalités d’un retour au Rwanda à effectuer ensemble le plus tôt possible. Il ne fait point de doute qu’un tel retour en force des opposants rwandais dans leur mère patrie ferait trembler davantage le dictateur de Kigali, qui prend souvent un malin plaisir à mépriser l’opposition rwandaise et à dénigrer sa capacité à imposer un changement politique au Rwanda.


Fait à Bruxelles, le 28 Novembre 2016
Pour le parti RDI-Rwanda Rwiza,
Faustin Twagiramungu,
Président.

Continue Reading..

Kagame's Tourism Statistics Are Scary

Kagame's Tourism Statistics Are Scary

Kagame built a US$300 million convention centre to make Kigali an African tourism hub. He has so far managed to host an African Union meeting that brought to Rwanda 4,000+ people and a couple smaller events since.
On 5-6 September 2016, Kagame is hosting the Global African Investment Summit that hopefully might attract 1,000.
To get a better sense of the challenge that lies ahead in making Kigali, and Rwanda a tourist hub, let us look at the National Institute of Statistics of Rwanda's 2015 data.
As indicated in the table Rwanda received 1,219,529 visitors as follows:
* 1 million came from Africa by land - mainly from Burundi, DRC Congo, Uganda, Tanzania and Kenya.
* 35,000 from the Americas;
* 63,000 from Europe;
* 32,000 from elsewhere.
Obviously, the richer tourists with heavy pockets are most likely to be from richer countries in America, Europe and Asia. Shockingly, the total number of the potentially richer tourists that came to Rwanda in 2014 was a mere 130,000.
Ok Mr President, perform a miracle! Make the Kagame Convention Centre pay by making Rwanda a tourist hub. You are evidently starting this mission from a deep hole. You need all the luck.

_______
David Himbara

Continue Reading..